د پاکستان پولیس وايي چې د کراچۍ ښار په مانسهره کالونۍ کې د جاپانیانو پر ګاډي تر ځانمرګي برید وروسته ډزې شوي چې په کې د هغوی درې ساتونکي ژوبل شوي دي.
smarturl.click/VDX8R

د افغان ښځو، نجونو او بشري حقونو لپاره د امریکا د متحدو ایالتونو ځانګړې استازې رینا امیري وايي، د البانیا له ولسمشر او بهرنیو چارو وزیر سره یې د افغان ښځو او نجونو پر ملاتړ خبرې وکړې.

smarturl.click/mpyGO

طالبانو د کندهار د جهادي مدرسې د استاد او د طالبانو د کره کتنې ادارې د غړي شیخ الحدیث محمدعمر جان اخندزاده مړینه تایید کړه.
ځینو سرچینو ویلي، دغه کس د بلوچستان کوټې ته نږدې په 'نوي کلي' کې د یوه جومات امام هم و چې پرون د وسله‌والو په حمله کې وژل شوی.
smarturl.click/aJLG5

په افغانستان کې د یونېسف استازي تاج الدین اويوالي پرون په خپله ایکس شبکه کې لیکلي چې دغه مرستندویان د وروستیو سېلابونو او اورښتونو له کبله زیانمنو شویو ته لومړنۍ مرستې، د څښاک پاکې اوبه او د خوندیتوب بستې هم برابروي.

smarturl.click/xBlAO

د کډوالو په چارو کې د ملګرو ملتونو لویې کمېشنرۍ د چین د دولت مننه کړې چې په افغانستان کې له داخلي بېځایه شویو سره د بشري مرستو په رسولو کې همکاري کوي.
smarturl.click/RA27p

د سوریې د بشري حقونو د څار ډلې مشر رامي عبدالرحمن ویلي، د سوریې د سویدا او درعا ولایتونو ترمنځ په دې حمله کې چې ګومان کېږي د اسراییل له خوا شوې، د سوریې د پوځ د رادار تاسیستات په نښه شوي دي.
smarturl.click/0em9n

د اوکراین ولسمشر ولودمیر زیلینسکي یو وار بیا د اوکراین له لوېدیځو متحدانو وغوښتل چې کییف ته د هوايي مدافع نورې دستګاوې ورکړي.
دا غوښتنه داسې وخت کېږي چې د روسیې د میزاییلو په نننیو خونړیو حملو کې هم د اوکراین ښارونه او د انرژۍ مهم بنسټونه په نښه شوي دي.
smarturl.click/aJLGY

په داسې حال کې چې نن او سبا د سالنګونو په ګډون د افغانستان په نږدې ټولو ولایتونو کې د سختو بارانونو، واورې او سېلابونو د راوتلو اټکل شوی، اوچا بیا راروانه اوونۍ د افغانستان په مرکزي، سویل، سویل ختیځو او لوېدیځو سیمو کې د اورښت د نوې څپې خبرداری ورکړی دی.
smarturl.click/vwjaE

په وروستیو ورځو کې د شاوخوا ۶۰ مدني-سیاسي سازمانونو او ایتلافونو استازو او یو شمېر مستقلو شخصیتونو د افغانستان ستونزو ته د حللارو د موندلو په هدف یو ايتلاف جوړ کړ چې هدفمن ايتلاف نومېږي.
smarturl.click/0em2n

د ارزګان ولایت یو شمېر سېلاب ځپلي د مرستو غوښتنه کوي.
د دې ولایت یو شمېر هغه اوسېدونکي چې په دې وروستیو کې سېلابونو یې کورونه، دوکانونه او ځمکې تخریب کړي، وايي چې تراوسه پورې ورسره هیچا مرسته نه ده کړې.
smarturl.click/baO0v

امریکایي رسنیو د متحده ایالتونو د حکومتي چارواکو په حواله راپور ورکړی چې اسراییلو په ایران برید پیل کړی دی.
دا برید د هغو توغندیزو او ډرون بریدونو په غچ کې شوی چې تېره اوونۍ ایران په اسراییل وکړې.
smarturl.click/Q1An6

کندهار د کاغذ او کارټن جوړولو په برخه کې پر ځان بسیا شوی دی.
د کندهار د صنعت خونې مسوولان وایي، دا مهال په دغه ولایت کې د کارټن جوړولو څلور فابریکي فعالې دي چې یو يې په لومړي ځل اې‌فور ورقي هم تولیدوي.
smarturl.click/0em7g

د پاکستان په بېلابېلو سیمو کې سختو ورښتونو او د سېلابونو راوتلو تر ۴۰ زیات کسان مړه کړي دي.
پي ډي اېم اې وايي چې په وروستیو ورښتونو او سېلابونو کې ۳۲۶ کورونه او ودانۍ بشپړې ړنګې شوي.
smarturl.click/dploJ

د افغانستان په ګڼو ولایتونو کې د واورې، باران، تالندې، برښنا او سېلابونو وړاندوینه شوې ده.
smarturl.click/3keoV

د طالبانو د عامې روغتیا وزارت وايي چې د ترکیې د ډاکترانو یوه ډله افغانستان ته ورغلې ده.
دغه وزارت خبر ورکړ چې د ترکیې د ډاکترانو ډله به د کابل په اتاترک روغتون کې د ماشومانو د یورولوژۍ پېچلي او اختلاطي جراحي عملیات په وړیا توګه ترسره کړي.
smarturl.click/Dango

د اسیا د فوټسال د سیالیو په دوام کې د افغانستان لوبډله سبا شنبې له کویټ سره مخامخ کېږي.
دا سیالي به د افغانستان په وخت د ماسپښین په یوه نیمه بجه په تایلنډ کې پیل شي.
پرون افغانستان خپله لومړۍ لوبه پر ایران درې پر یو وبایلله.
smarturl.click/RA2Wx

د ترکیې ساحلي ساتونکي وايي چې ۴۰ افغان کډوال یې د ایوالیک ښار په ساحل کې نیولي دي.
د ترکیې رسنیو پرون پنجشنبه راپور ورکړ چې دا کډوال، چې په یوه بېړۍ کې سپاره وو، له نیول کېدو وروسته په ایوالیک ښار کې د کډوالو د بیرته ستنېدو مرکز ته وسپارل شول.
smarturl.click/VDXzx

په کراچۍ کې د طالبانو د حکومت کونسل وايي، د پاکستان حکومت د افغان ملي بانک د غصب شویو جایدادونو په ورستنولو کې مرسته نه کوي.
ده ویلي، له هلوځلو سره سره د پاکستان د بهرنیو چارو وزارت او پولیس د افغان ملي بانک د شتمنیو په بېرته ورسپارلو کې همکاري نه ده کړې.
smarturl.click/Q1Ae6

د بریتانیا مشرانو جرګې رونډا ته د یو شمېر افغان پناه غوښتونکو د لېږلو پلان رد کړ.
د بریتانیا حکومت په پام کې لرل چې یو شمېر افغان کډوال، چې پخوا یې په افغانستان کې له برتانوي پوځیانو یا حکومتي موسسو سره همکاري کړې وه، رونډا ته واستوي.
smarturl.click/0embg

جو بایډن وویل چې دا بندیزونه په دې خاطر لګوي چې ایران پر اسراییل برید وکړ.
ګوټېرېش خبرداری یې ورکړ چې په غزه کې د جګړې او پر اسراییل د ایران د حملې پر سر زیاتېدونکی کړکېچ په سیمه کې پر یوې بشپړې پراخې جګړې بدلېدای شي.
smarturl.click/AdAOY